Онлайн-форматта ашық сабақ

№110 мектеп-гимназияның Бастауыш сынып әдістемелік бірлестігінің «Қазақстанның таңғажайып жерлеріне саяхат» атты онкүндігі аясында бастауыш сынып мұғалімі Карсыбаева Назира Бекжановна 2021 жылдың 20 сәуірі күні, 4 «А» сыныбында Әдебиеттік оқу пәнінен «Ғарышкермен сұхбат» тақырыбында онлайн-форматта ашық сабақ өткізді. Сабақтың мақсаты: шығарма бойынша сұрақтар қоя отырып, қажетті ақпаратты тауып, талдау жасап оқу; шығармашылық жұмыстар жасап, баға беруге негізделген сұрақтар қою және оларға жауап беру.
Оқушылар ғарышкер Талғат Мұсабаевтың балалық шағымен, басынан өткен оқиғалардың бірімен танысты. Оның туған жерге деген құрметіне, махаббатына тәнті болды.