"Қазақ тілі мен әдебиеті: оқыту мәселелері және жаңа көзқарас" тақырыбында қазақ тілі мен әдебиеті пәні мұғалімдерінің республикалық съезі

Кәсіби біліктілігі жоғары педагогтердің әлеуетін "Қазақ тілі", "Қазақ әдебиеті" және "Қазақ тілі мен әдебиеті" пәндерін оқытудың өзекті мәселелерін шешуге және білім сапасын арттырудың ұтымды жолдарын айқындауға жұмылдыру мақсатында Қазақстан Республикасы Білім және ғылым министрлігінің ұйымдастыруымен 2021 жылғы 21 желтоқсан күні Л.Н.Гумилев атындағы Еуразия ұлттық университеті базасында Қазақстан Республикасы Тәуелсіздігінің 30 жылдығы аясында "Қазақ тілі мен әдебиеті: оқыту мәселелері және жаңа көзқарас" тақырыбында қазақ тілі мен әдебиеті пәні мұғалімдерінің республикалық съезі өтті.
Съезге Алматы қаласы Жетісу ауданы №110 мектеп-гимназияның қазақ тілі мен әдебиеті пәні мұғалімі, педагог-шебер Чегеубекова Гулмария Нарынбековна қатысып, «Латын әліпбиіне көшу – заман талабы» тақырыбындағы баяндамасын оқыды.