Қарттарым асыл қазынам

Алматы қаласы Жетісу ауданы №110 мектеп-гимназияда 2022 жылдың 4 қазаны күні, Қарттар айлығы аясында "Қарттарым - асыл қазынам" атты кездесу өтті.
Халқымыздың тәлім-тәрбиесі ананың ақ сүтімен, әже өнегесімен, аталар ақылымен беріліп, өзіндік қасиетімізді қалыптастыру көзделген. Бүгінгі бас қосуымыздың мақсаты – үлкендерге ізет, қарияларға құрмет, еңбек адамына ілтипат көрсету. «Үй алдында төбең болса, ерттеулі тұрған атпен тең, ауылыңда қартың болса, жазып қойған хатпен тең» дегендей ақыл айтып өнегелі сөз сөйлейтіндей қарттарымыз баршылық. «Ақсақалы бар ауыл адаспайды» дей отыра, қарттарға арнап мектеп оқушылары ақылдың кенін арқалаған айбынды аталар мен ақ жаулықты аналарды қазан айының алғашқы мерекесі қарттар күнімен құттықтап, ән-шашу сыйлады.