Ауған соғысы ардагерлерімен және әскери қызметкерлермен кездесу

2025 жылдың 13 ақпаны күні, №110 мектеп-гимназияда 9,10-сынып оқушыларының Ауған соғысы ардагерлерімен және әскери қызметкерлермен кездесу өтті. Іс-шараға "Қызыл жұлдыз" орденінің кавалері, сондай-ақ "Еңбек үшін", "Ардагерлік қоғамдағы еңбегі үшін", "Әскери еңбегі үшін" медальдарының иегері, гвардиялық подполковник Мұнайтпасов Аргембек Төлегетаевич, 73652 әскери бөлімінің қызметкері Тулкибаев Досмырза Құндаулетович қатысты. Кездесу барысында ардагерлер Ауған соғысындағы жауынгерлік жолдары туралы әсерлі естеліктерімен бөлісіп, әскери өмірдің қиындықтары мен жауапкершілігі жөнінде әңгімеледі. Сондай-ақ, жастарға Отансүйгіштік, адалдық, батылдық қасиеттерін дамытуға бағытталған құнды кеңестер берді.