“Менің Жеңісімнің тарихы”

“Менің Жеңісімнің тарихы”

Менің атам – Садықов Кемел Садықұлы – Ұлы Отан соғысының ардагері, еліне адал қызмет еткен нағыз батыр болған жан. Ол 1923 жылы Алматы облысы, Жамбыл ауданына қарасты Шиен ауылында дүниеге келген. Жасынан еңбекке етене араласқан, жетіжылдық мектепті тәмамдаған соң, ел басына күн туған ауыр шақта Отанын қорғау үшін соғысқа аттаныпты.
1942 жылдың ақпан айында әскер қатарына шақырылып, алдымен әскери даярлық курсынан өтіп, кіші командир шенін алып шыққан. Осылайша, бозбала жігіт майдан даласына бет алып, Сталинград шайқасына қатысады. Одан кейін Польшаның жерінде болған ұрыстарға қатысып, ерлігімен көзге түседі.
Атам соғыс кезінде үш рет ауыр жараланыпты. Алайда ол еш мойымай, қайта қатарға қосылып, жауға қарсы шайқасуды жалғастырған.…