Бүгін «Жазғы шабыт» мектепішілік лагерінде «Ғажайыптар әлемі» тақырыбында көңілді пикник ұйымдастырылды. Іс-шара барысында оқушылар таза ауада демалып, түрлі қызықты ойындарға қатысып, белсенді уақыт өткізді. Сонымен қатар, танымдық және көңіл көтеру бағдарламалары ұйымдастырылып, балалар көтеріңкі көңіл-күй мен жарқын әсерге бөленді.

«Жазғы шабыт» мектепішілік лагерінде мектеп психологтарының қатысуымен «Танысайық!» атты танысу тренингі өтті. Тренинг барысында балалар бір-бірімен жақынырақ танысып, өздерін еркін таныстырып, түрлі қызықты жаттығуларға белсенді қатысты. Іс-шара балалардың қарым-қатынас жасау дағдыларын дамытуға, достық атмосфера қалыптастыруға және лагерьдегі алғашқы күндерді көңілді өткізуге мүмкіндік берді.