Мектепішілік жазғы лагерьдің соңғы күні — «Жабылу салтанаты» Бүгін біздің «Жазғы шабыт» лагерінде ерекше күн болды! Әрбір топ көңілді музыкалық номер дайындап, сахнада өнерлерін көрсетті — ән айтты, би биледі, өлең оқыды. Тәрбиешілер шетте тұрмай, қосылып флешмоб билетті.Одан кейін балалар сазбалшықтан өз қолдарымен құмыра жасауды үйренді. Әр бала жасаған бұйымын үйге алып кетеді — бұл жаздан естелік болып қалады! Сәлем, шуақты жаз! Барша лагерь қатысушыларына жарқын демалыс, жақсы көңіл-күй

Бүгін «Жазғы шабыт» лагерінде көңілді «Балмұздақ пати» ұйымдастырылды. Балалар әртүрлі дәмдегі балмұздақтардан дәм татып, қызықты ойындарға қатысты. Балмұздақ пати лагерьдегі ең есте қаларлық әрі қызықты шаралардың бірі болды. Барлығы көтеріңкі көңіл-күймен ерекше әсер алып қайтты.

Бүгін балалар «Аватарияға» барып, қызықты ойындар ойнап, көңілді уақыт өткізді. Жарқын эмоциялар, шат күлкі және қмытылмас әсерлер-күннің басты сыйы болды.

Мектепішілік «Жазғы шабыт» лагерінің оқушылары күнді сергек көңіл-күймен бастап, таңғы жаттығу жасады.

Бүгін «Жазғы шабыт» лагерінде Әкелер күні қарсаңында «Бірлік пен мүмкіндік» тақырыбында отбасылық спорттық жарыс өтті. Шарада ата-аналар мен балалар бірлесіп сайысқа қатысып, ұйымшылдық, достық және салауатты өмір салтын насихаттады. Жарыс көтеріңкі көңіл-күй мен жарқын әсерге толы болды.

Бүгін «Жазғы шабыт» лагерінде көңілді әрі ерекше «Пародия show» өтті. Әр топ өздерінің шығармашылығын, актерлік шеберлігін және тапқырлығын көрсетіп, көрермендерге көтеріңкі көңіл-күй сыйлады. Қатысушылар танымал кейіпкерлер мен қызықты образдарды сахналап, кешті күлкі мен жарқын эмоцияға толтырды.

«Жазғы шабыт» лагерінің оқушылары медициналық тексеруден өтті. Балалар денсаулығын нығайту және қауіпсіз демалысын қамтамасыз ету мақсатында тексеріс ұйымдастырылды. Тексеру барысында медициналық қызметкерлері оқушылардың жалпы денсаулық жағдайын бақылап, бойы мен салмағын өлшеп, қажетті кеңестер берді.

Бүгін «Жазғы шабыт» лагерінде балаларға арналған «Толағай» ертегілік қойылымы өтті. Бүлдіршіндер қазақ халқының сүйікті ертегісін тамашалап, ұлттық құндылықтарды салт-дәстүрлермен және батырлық рухымен танысты. Қызықты кейіпкерлер, әсерлі музыка мен ерекше атмосфера балаларға көтеріңкі көңіл-күй сыйлады.

«Жазғы шабыт» мектепішілік лагері барысында оқушылардың бос уақытын тиімді ұйымдастыру және кітап оқуға деген қызығушылығын арттыру мақсатында кітап оқу шаралары өткізілді.

Бүгін «Жазғы шабыт» мектепішілік лагерінде 4 маусым- Қазақстан Республикасының Мемлекеттік Рәміздер күніне арналған іс-шараға қатысып, Мемлекеттік Гимнді салтанатты түрде орындады.