«Цифрлық әлемдегі бала тәрбиесі мен психологиялық қауіпсіздік» тақырыбында аналар форумы өтті.

15 мамыр – Халықаралық отбасы күні қарсаңында Алматы қаласы Білім басқармасының “Психологиялық қолдау орталығы” КММ ұйымдастыруымен №110 мектеп-гимназия базасында «Цифрлық әлемдегі бала тәрбиесі мен психологиялық қауіпсіздік» тақырыбында аналар форумы өтті.
Форумның мақсаты – балалардың психологиялық қауіпсіздігін қамтамасыз ету, ата-аналардың цифрлық сауаттылығын арттыру және интернеттегі қауіптердің алдын алу. Іс-шара барысында ашық алаң ұйымдастырылып, ата-аналар бала тәрбиесі, цифрлық қауіпсіздік және отбасы құндылықтары тақырыптарында пікір алмасты.