2025 жылдың 17 қазанында №110 мектеп-гимназиясында «Қарттарым – асыл қазынам» атты аға буын өкілдерімен кездесу өтті. Іс-шараға 15 қадірменді қонақ қатысты. Мектептің кіреберісінде қонақтарды домбыра оркестрі күтіп алды. Мерекелік концерт пен «Блиц-сауалнама», «Әнді жалғастыр» сияқты ерекше форматтағы шаралар ұйымдастырылды. Қонақтар жас ұрпаққа өздерінің тілектерін, ақ баталарын айтты. Мектеп ұжымы оларға алғысын білдіріп, сыйлықтар мен салтанатты дастархан ұйымдастырды. Ұрпақтар сабақтастығы

№110 мектеп-гимназиясында Ұстаздар күніне орай «Шәкіртке бағыт – ұстазға құрмет» атты әдеби-сазды кеш өтті. Іс-шара барысында оқушылар ұстаздарына деген ыстық ықыластарын жүрекжарды өлеңдер, әсерлі әндер, көріністер мен құттықтаулар арқылы жеткізді. Кештің мазмұны терең, тәрбиелік мәні жоғары болды. Мерекелік бағдарлама ұстаздың еңбегін дәріптеп, шәкірт пен мұғалім арасындағы рухани байланысты нығайтуға ықпал етті.

Ұстаздар күніне орай оқушылардың дайындаған креативті видеолары – алғыстың, құрметтің, ризашылықтың жарқын көрінісі болды. Әр бейнероликтен ұстазға деген ыстық ықылас, шынайы сезім мен шығармашылық шеберлік сезіліп тұр. Жас жүректердің осындай ізгі ниеті – ұстаз еңбегінің еленгені деп білеміз. Барша оқушыларға алғыс білдіреміз! 💐📹✨

Қарттар күніне орай №110 мектеп-гимназиясында «Қарты бар үй – қазыналы шаңырақ» тақырыбында суреттер көрмесі ұйымдастырылды. Шараның мақсаты – оқушыларды үлкенге құрмет көрсетуге, қарттарды қадірлеуге тәрбиелеу және олардың өмірлік тәжірибесіне деген құрмет сезімін арттыру. Көрме барысында оқушылар өздерінің жүрек жылуымен салған шығармашылық туындыларын ұсынып, қарттарға деген ыстық ықыластарын сурет тілімен жеткізе білді.

Бастауыш сынып оқушылары Ұстаздар күніне орай жүрекжарды тілектерін арнап, құттықтау бейнеролик түсірді. Балалардың шынайы алғысы мен жылы лебіздері ұстаздарға көтеріңкі көңіл-күй сыйлады.

“Еңбек түбі – береке” челленджі аясында №110 мектеп-гимназиясының Өзін-өзі басқару ұйымы баршаңызды Еңбек күнімен шын жүректен құттықтайды! Еңбек – табыстың, берекенің бастауы. Еңбек еткен елдің еңсесі биік, болашағы нық. Әрбір еңбектің артында маңдай тер, төзім мен табандылық жатыр. Еңбектің бағасы – елдің алғысы!

№110 мектеп-гимназиясында қазақтың ұлы ақыны, ағартушы Абай Құнанбайұлының туғанына 180 жыл толуына орай сынып сағаттары өткізілді. Іс-шараның мақсаты — Абай мұрасын насихаттау, оқушылардың бойына рухани-адамгершілік құндылықтарды сіңіру, ұлттық әдебиет пен мәдениетке деген қызығушылықтарын арттыру.

№110 мектеп-гимназиясында «Адал азамат», «Қауіпсіздік сабақтары», «Көмек» және «Құқық бұзушылықтың алдын алу» тақырыптарында сынып сағаттары өткізілді.

Учитель начальных классов Спиридопуло Василина Сергеевна провела открытый урок по предмету «Познание мира» в 1-м классе с использованием элементов искусственного интеллекта. Урок состоялся в школе-гимназии № 15 в рамках городского конкурса «Алма-Атлас». В ходе занятия активно применялись современные образовательные технологии и цифровые инструменты, что позволило сделать процесс обучения более наглядным и увлекательным для детей. По итогам конкурса Василина Сергеевна заняла II место.

№110 мектеп-гимназиясында ата-аналар жиналысы өткізілді.